Pandit Daya Shankar Naseem Lakhnavi
ishq men dil ban ke divana chala
ashna se ho ke begana chala
qulqul-e-mina se aati hai sada
bhar chuka jis vaqt paimana chala
be-zabanon ko bhi aa.i hai zaban
beḌi ghul karti hai divana chala
ishq-bazi baaz le shatranj hai
chaal nadan rah gaya daana chala
rashk aata hai ki zulf-e-yar men
hat kandhe par mere kyon shana chala
shab jo aaya bazm men vo sho.ala-ru
sham.a gul karne ko parvana chala
bu-e-gul ghuncha se kahti hai ‘nasim’
baat nikli munh se afsana chala
Leave a Reply