Ek Aisa Bhi Marhala Hoga

ek aisa bhi marhala hoga

us ne sab kuchh miTa diya hoga

ye jo laḌta hai rat-din mujh se

koi mujh men bhi dusra hoga

vo jo sachchi thi vo kahani thi

ye jo qissa hai hadisa hoga

us ne sadiyon ko bandh rakkha hai

vo jo kahta tha kal raha hoga

vo jo TuuTa tha niind jaisa kuchh

us ka naqsha bhi ḳhvab sa hoga

vo jo kahta tha kuchh nahin baaqi

ain mumkin hai kuchh hua hoga