vo fasana jise tariki ne dohraya hai
meri ankhon ne suna
meri ankhon men larazta hua qatra jaaga
meri ankhon men larazte hue qatre ne kisi jhiil ki surat le li
jis ke khamosh kinare pe khada koi javan
duur jaati hui doshiza ko
hasrat o yaas ki tasvir bane takta hai
hasrat o yaas ki tasvir chhanaka sa hava
aur phir haal ke phaile hue parde ke har ik silvat par
yak-ba-yak daman-e-mazi ke larazte hue saae nache
maazi o haal ke naate jaage
Leave a Reply