Masafaton Mein Dhup Aur Chhanw Ka Sawal Kya

masāfatoñ meñ dhuup aur chhāñv kā savāl kyā

safar hī shart hai to phir uruuj kyā zavāl kyā

firāq-sā.atoñ ke zaḳhm ruuh tak pahuñch chuke

mayassar aa.eñ bhī to ab masā.ī-e-visāl kyā

hunar ko dhuup jañgaloñ kī muskurāhaToñ meñ hai

gulāb bastiyoñ meñ hañste rahne kā kamāl kyā

umiid hī to dil-shajar kī āḳhirī asaas thī

shagūfa ye bhī ho gayā ḳhizāñ se pā.emāl kyā

tamām-shahr hī havā ke dosh par savār hai

dikhā.e koī zaḳhm kyā sunā.e koī haal kyā

Leave a Comment