Shumama Ufuq
ek aahaT pe dil bana patta
TuuT kar shaḳh se gira patta
vo agar harta to ro deta
main ne tabdil kar diya patta
mujh ko tu ne shajar-mizaj kiya
ab miri shaḳh par uga patta
zindagi hai ḳhizan men sukha peḌ
aur dua us pe phuTta pata
Dher bhi ik vajud rakhta hai
ho jo patte ka aasra patta
main ne puchha mizaj kaise hain
bas shajar ne gira diya patta
shaḳh lahra ke vaar deti thi
peng par har dafa naya patta
Leave a Reply