Rahi Fidai
ehsas-e-zimmedari bedar ho raha hai
har shaḳhs apne qad ka minar ho raha hai
avaz-e-haq kahin ab ru-posh ho na jaa.e
harf-e-ghalat barhana talvar ho raha hai
kis naqsh ki jila hai anfas-e-kahkashan men
vo kaun saya-saya divar ho raha hai
minnat-gah-e-siyahi ailan-e-ḳhair-ḳhvahi
kam-zarf valvalon ka iz.har ho raha hai
hairat-zada hai ‘rahi’ dariya se ehtijajan
masum qatra-qatra ghaddar ho raha hai
Leave a Reply