Poet
ham gham-e-zamana se yuun nazar mila.enge
mushkilen paḌengi jab aur muskura.enge
phir bahar aa.egi phuul muskura.enge
phir junun ke afsane ham ko yaad a.enge
zahiri tapak un ka de gaya hamen dhoka
ye samajh rahe the ham dil se dil mila.enge
asman ke sah paaro tez-gam sayyaro
an-qarib tum se bhi ham qadam mila.enge
jadui ḳhirad hai vo ye junun ki manzil hai
tum idhar na aaoge ham udhar na ja.enge
vo hazar Thukra.e ham se ruuTh bhi jaa.e
zindagi ko ḳhud baḌh kar ham gale laga.enge
aaj to ‘jamali’ ko bazm se uThate hain
ek din zarur us ko aap phir bula.enge
Leave a Reply