Dur Tak Ek Sarab Dekha Hai

duur tak ik sarāb dekhā hai

vahshatoñ kā shabāb dekhā hai

zau-fishāñ kyuuñ haiñ dasht ke zarre

kyā koī māhtāb dekhā hai

baam o dar par hai sholagī raqsāñ

husn ko be-naqāb dekhā hai

nāma-bar un se bas yahī kahnā

nīm-jāñ ik gulāb dekhā hai

ab zamīñ par qadam nahīñ Tikte

āsmāñ par uqaab dekhā hai

merī nazroñ meñ bāñkpan kaisā

jāgtā huuñ ki ḳhvāb dekhā hai

Leave a Comment