Dur Tak Bhi aahaT Ki Aas Jab Na Rah Jae

Poet

duur tak bhi aahaT ki aas jab na rah jaa.e

koi kis tarah dil ko sham-e-gham men bahla.e

kya karun kahan ja.un kaise ji ko bahla.un

chand ki bhi ThanDak jab dil pe aag barsa.e

jab bhi bazm-e-ḳhuban men tum ko bhulna chaha

dard kuchh siva uTTha yaad tum siva aa.e

hal-e-dil na kuchh puchho jaise umr bhar koi

muntazir kisi ka ho aur na vo kabhi aa.e

sochte hue ji men ab kabhi na a.enge

aaj phir tire dar se dil-shikasta uTh aa.e

tark-e-dosti par bhi aaj dekh kar un ko

dil pe ahd-e-ulfat ke naqsh sab ubhar aa.e

yaad aa rahi hogi un ko bhi miri shayad

raat der tak mujh ko yaad vo ‘shahab’ aa.e