sang-zanon ke vaste phir nae raston men hai
vahshat-e-jan ka masala shishe ke jangalon men hai
utri thiin dasht par kabhi barg-o-samar vo ahaten
qaht-e-sada-e-dostan phir se samaaton men hai
jin men nihan raha kabhi nikhat-o-gul ki qurbaten
had-e-zamin-o-asman ab inhi rabton men hai
kisi ne zamin ke jism se fasl-e-visal chhin li
arsa-e-hashr sa bapa ruuh ki khetiyon men hai
dil se lahu ke shor tak zakhm ka silsila ravan
shorish-e-bahr-e-be-karan aaj se phir ragon men hai
alam-e-be-hijabi-e-jan ka saman kuchh aur tha
har bun-e-mu ka harf-e-dil yuun to khula labon men hai
taare se samt bhi alag naav se raah bhi juda
ramz-e-musafirat chhupa chup ke samundaron men hai
Leave a Reply