Shahid Latif
duur sahra men jahan dhuup shajar rakhti hai
aankh kya shai hai kahan ja ke nazar rakhti hai
aur kuchh roz abhi suur na phunka jaa.e
us ke darbar men duniya abhi sar rakhti hai
log manzil pe bahut ḳhush hain magar manzil bhi
lamha lamha pas-e-imkan-e-safar rakhti hai
aao us shaḳhs ki rudad sunen ghaur karen
surḳh-rui bhi jise ḳhak-basar rakhti hai
ye zehanat jo virasat ki ata hai ‘shahid’
koi divar uThati hai to dar rakhti hai
Leave a Reply