Insha Allah Khan Insha
gaali sahi ada sahi chin-e-jabin sahi
ye sab sahi par ek nahin ki nahin sahi
marna mira jo chahe to lag ja gale se tuk
atka hai dam mira ye dam-e-vapsin sahi
gar naznin ke kahne se maana bura ho kuchh
meri taraf ko dekhiye main naznin sahi
kuchh pad gaya hai aankh men rona kahe hai tu
kyuun main abas ko bahsun yahi dil-nashin sahi
aage badhe jo jaate ho kyuun kaun hai yahan
jo baat ham ko kahni hai tum se yahin sahi
manzur dosti jo tumhen hai har ek se
achchha to kya muzaeqa ‘insha’ se kiin sahi
Leave a Reply