Poet
duniya ye sahi adu bahut hai
mere liye ek tu bahut hai
abadi-e-ham-zaban hai lekin
muhtaji-e-guftugu bahut hai
ik hasil-e-justuju men shayad
la-hasil-e-justuju bahut hai
asan nahin saath umr bhar ka
andesha-e-man-va-tu bahut hai
aisa hai ki in dinon tumhari
tasvir se guftugu bahut hai
chhoḌega vo le ke jaan ik din
ik dost hai so adu bahut hai
jal uThti hain shaam hi se sham.en
ankhon men miri lahu bahut hai
duniya nahin janti ‘sana’ ko
rusva sahi surḳh-ru bahut he
Leave a Reply