la ai saaqi teri jai ho
koi bhi piine ki shai ho
gulshan men sayyad ke hathon
jo anjam bhi hota hai ho
ham aḳhir kyon himmat haren
ho nakami pai-dar-pai ho
lakhon hain ham sab bechare
ai shahzado tum sab kai ho
main duniya par tanz karunga
duniya kyon mere darpai ho
ham us ke paband nahin hain
saaqi ho miina ho mai ho
‘shad’ mujhe ye dhun rahti hai
apna naghma apni lai ho
Leave a Reply