Sudarshan Fakir
duniya se vafa kar ke sila DhunDh rahe hain
ham log bhi nadan hain ye kya DhunDh rahe hain
kuchh der Thahar ja.iye ai banda-e-insaf
ham apne gunahon men ḳhata DhunDh rahe hain
ye bhi to saza hai ki giraftar-e-vafa huun
kyuun log mohabbat ki saza DhunDh rahe hain
duniya ki tamanna thi kabhi ham ko bhi ‘fakir’
ab zaḳhm-e-tamanna ki dava DhunDh rahe hain
Leave a Reply