duniya men naam ko bhi mohabbat nahin rahi
insan ki vo pahli si fitrat nahin rahi
be-hurmati-e-hazrat-e-adam ko dekh kar
apne to dil men hasrat-e-jannat nahin rahi
hasil use maqam farishton ka tha kabhi
sad-haif aadmi ki vo azmat nahin rahi
atash-bajan hai barq-e-tapan kis ke vaste
ham ashiyan bana.en ye hasrat nahin rahi
apnon ka lutf jaur-e-musalsal se kam nahin
ghairon se ham ko koi shikayat nahin rahi
‘sabir’ kisi ki yaad men ḳhud ko bhula saken
kar-e-jahan se itni bhi fursat nahin rahi
Leave a Reply