Ravish Siddiqi
havas-e-ḳhalvat-e-ḳhurshid-o-nishan aur sahi
duur hai sub.h to ye ḳhvab-e-giran aur sahi
kuchh shikasta sa hai rangini-o-nik.hat ka tilism
yahi bedad-e-ḳhizan hai to ḳhizan aur sahi
marhale danish-e-hazir ke to sab ḳhatm hue
ik qadam janib-e-aqlim-e-guman aur sahi
meri palken bhi giran-bar rahi hain ai dost
ab ye aansu tire daman pe giran aur sahi
jalva-e-husn-e-butan se hai agar dil ka ziyan
ai ḳhuda-vand mire dil ka ziyan aur sahi
sainkaḌon ruḳh hain mohabbat ki kahani ke ‘ravish’
ek andaz-e-hadis-e-digran aur sahi
Leave a Reply