Poet
dukh juda.i ke ḳhvab ho jaa.en
dard saare gulab ho jaa.en
aap baiThen jo mere pahlu men
log jal kar kabab ho jaa.en
ek pal ko jo duur tum jaao
ashk mere kitab ho jaa.en
mere lab par saval aaya hai
teri ankhen javab ho jaa.en
rabte men raha karo tum bhi
na kahin dil ḳharab ho jaa.en
jin parindon ko uḌna aata ho
un pe pinjre azaab ho jaa.en
us ke hathon ke lams se ‘iqra’
ḳhaak reze gulab ho jaa.en
Leave a Reply