ai nañg-e-ishq baaz bhī aa aah aah se
vo hashr-e-rañg rañg uThā jalva-gāh se
uTho ki dil ko tamkanat-e-ishq par hai zo.am
ulTo naqāb aag lagā do nigāh se
begāna-vār ishq kī manzil ko tai kiyā
bach kar chalā maiñ ḳhār-o-ḳhas-e-rasm-o-rāh se
vo ġham to de ki fursat-e-yak-lahza ho muhāl
sharminda ho rahā huuñ ġham-e-gāh-gāh se
us ko na ho sakī kahīñ āsūdgī nasīb
dil thaam kar uThā jo tirī bārgāh se
is bāryāb-e-husn kī uftādgī na pūchh
jo gir gayā nigāh meñ rah kar nigāh se