dil mira chiḳh raha tha shayad
zabt se dard siva tha shayad
ek uljhan si rahi office men
ghar pe kuchh chhuT gaya tha shayad
dukhti rag ko hi banaya tha hadaf
vaar apnon ne kiya tha shayad
ruḳh mira us ki taraf rahta tha
vo mira qibla-numa tha shayad
main ne puchha tha mohabbat hai tumhen
us ne dhire se kaha tha shayad
main ne kuchh aur kaha tha ‘azam’
us ne kuchh aur suna tha shayad
Leave a Reply