dukh-dard mire paas bhi jauhar ki tarah hain
zulmat men vo qindil-e-munavvar ki tarah hain
fōtpath pe raton ko maza milta hai ghar ka
ham din ke ujale men to be-ghar ki tarah hain
Thahre hain magar aage hai chalne ka irada
ham log yahan mil-ke-patthar ki tarah hain
har mauj pe himmat miri patvar hai lekin
ummid ki ankhen to samundar ki tarah hain
chahenge to qadmon pe ye duniya bhi jhukegi
ham apne hi hathon men muqaddar ki tarah hain
saḌkon pe nikal aa.en to avara na samjho
ham sina-e-sahra men kisi ghar ki tarah hain
Leave a Reply