Saurabh Shekhar
koi dilkash sa afsana kisi dildar ki baten
fasurda raat hai chhoḌo lab-o-ruḳhsar ki baten
ye mumkin hai parinda qaid ho koi mire andar
mujhe achchhi nahin lagtin dar-o-divar ki baten
zara ye bhi to dekho be-saron ke biich baiThe ho
kahan karne lage ho tum amaan dastar ki baten
tumhari sha.eri se bor main ab ho gaya ‘saurabh’
vahi halat ka rona vahi bekar ki baten
Leave a Reply