Dudman-E-Dard Ki Shadi Hain Hum

dudman-e-dard ki shadi hain ham

khandan-e-gham ki abadi hain ham

apni shumi se hui shadi ghami

shayad abadi ki barbadi hain ham

apne ab-e-chashm se sarsabz hain

zeb-e-dasht-o-zinat-e-vadi hain ham

darmiyan-e-zindagi-o-marg hain

qabil-e-said o na sayyadi hain ham

zakhm-ha-e-hijr men kya kya sahe

kushtagan-e-tegh-e-fauladi hain ham

banda-e-pirem ya-rab az azaab

murid-e-altaf-e-azadi hain ham

ham nahin kahte muqallid hain tire

tere dar ke kalb-e-qilladi hain ham

daad kar ai dad-gar ushshaq-kush

tere aage tujh se fariyadi hain ham

khun-baha maashuq se lete nahin

ashiq-e-insaf-e-be-dadi hain ham

dukhtar-e-raz ko koi ham se kahe

tere to haqdar damadi hain ham

ham gunahgar-e-janab-e-ishq hain

abd-e-ubbadi na auradi hain ham

ai azizan tark-e-ishq-e-husn men

sang par juun naqsh-e-bahzadi hain ham

la-valad kahte hain ham ko la-valad

sher se az-bas-ki auladi hain ham

aqibat khaki hain khaki honge ne

atishi-o-ahi-o-badi hain ham

fath-baghi ne nasar-puri hain balki

sindh men bhi haidrabadi hain ham

kya kahen kya the kahan se aae hain

misl-e-mazmun-e-nau iradi hain ham

phir bhi vo irad karne sakta hai

jis ke avval baar ijadi hain ham

mast-e-ahmad se ‘matam’ hain shakar*

ne sumudi qaum ne aadi hain ham

Leave a Comment