Dubta saaf nazar aaya kinara koi dost
phir bhi kashti se nahin ham ne utara koi dost
jab bhi neki ka koi kaam kiya hai ham ne
de diya rab ne hamen aap se pyara koi dost
jiit par ḳhush ho tujhe is se gharaz kya mire yaar
teri ḳhushiyon ke liye jaan se haara koi dost
kaise ji pa.enge is shahr-e-pareshan men jahan
koi dushman hai hamara na hamara koi dost
kuchh to jiine ke liye ham ko bhi de rabb-e-karim
saghar-o-mina kisi gham ka sahara koi dost
ruuTh jaa.e miri ankhon se bhale bina.i
kaash ruThe na ‘vasi’ aankh ka taara koi dost
Leave a Reply