Poet
dosti men fasle hote nahin
pyaar men ye tajziye hote nahin
kya zaruri hai ki vo mujrim bhi hon
jin ke haq men faisle hote nahin
soch kar tum ye ta.alluq toḌte
TuuT kar patte hare hote nahin
raushni hoti nahin us bazm men
jis men shamil-e-dil jale hote nahin
ma.arke sar hote hain jin ke tufail
un ke akasr tazkire hote nahin
apne to apne hi hote hain faqat
apnon men achchhe bure hote nahin
un ka Dar jaata nahin tasir kyuun
haan vahi jo hadse hote nahin
Leave a Reply