dosti chiiz hai kya rasm-e-vafa kaisi hai
ham se puchhe koi jiine ki saza kaisi hai
tu ḳhafa mujh se nahin hai to bata phir ai dost
tere lahje men takalluf ki ada kaisi hai
jab ki mumkin hi nahin ma.arka-e-karb-o-bala
phir har ik jism pe ḳhuun rang-e-qaba kaisi hai
tai kiya main ne tire saath charaghon ka safar
log jab soch rahe the ki hava kaisi hai
teri raftar ne ehsas ko paikar baḳhsha
varna kis ko thi ḳhabar bad-e-saba kaisi hai
Leave a Reply