dosh dete rahe be-kar hi tughyani ko
ham ne samjha nahin dariya ki pareshani ko
ye nahin dekhte kitni hai riyazat kis ki
log asan samajh lete hain asani ko
be-ghari ka mujhe ehsas dilane vaale
tu ne barta hai miri be-sar-o-samani ko
sharmsari hai ki rukne men nahin aati hai
ḳhushk karta rahe kab tak koi peshani ko
jaise rangon ki baḳhili bhi hunar ho ‘az.har’
ghaur se dekhiye tasvir ki uryani ko
Leave a Reply