ahmad-ata

Donon Ke Jo Darmiyan Khala Hai

donon ke jo darmiyan khala hai

ye asl men koi tisra hai

tujh bin ye mira vajud kya hai

ik ped hai aur khokhla hai

ik chaap sunai de rahi hai

darvaze se vo palat gaya hai

vo ek din intizar ka din

phir zindagi bhar vo din raha hai

taabir batai ja chuki hai

ab aankh ko khvab dekhna hai

bas dhund nigal chuki hai ye raat

nazzara tamam ho chuka hai

More Poems

Leave a Comment