do Pal Ke Hain Ye Sab Mah O Akhtar Na Bhulna

do pal ke hain ye sab mah o aḳhtar na bhulna

suraj ghurub hone ka manzar na bhulna

kitni tavil kyuun na ho batil ki zindagi

har raat ka hai sub.h muqaddar na bhulna

yadon ke phuul ghar se uTha kar chale to ho

dekho inhen kisi jagah rakh kar na bhulna

maan ne likha hai ḳhat men jahan jaao ḳhush raho

mujh ko bhale na yaad karo ghar na bhulna

haq par agar chaloge to har aaḌe vaqt men

tum ko panah degi ye chadar na bhulna

Leave a Comment