Poet
diye hain ranj saare agahi ne
andhere men rakha hai raushni ne
miri rahon men jitne pech-o-ḳham hain
ye sab baḳhshe hain teri sadgi ne
jahan har ashna hai sang-dar-dast
koi patthar na maara ajnabi ne
hisab-e-dostan dar dil bhi kyuun ho
kisi ko kya diya aḳhir kisi ne
andheron men panahen DhunDhta huun
diye hain zaḳhm itne raushni ne
main patthar ban ke ‘ishqi’ ji raha huun
mujhe mil kar tarasha hai sabhi ne
Leave a Reply