Arif Ishtiaque
diya jala.egi tu aur main bujhahunga
mujhe na chaah main nafrat se pesh a.unga
main saḳht-dil hi rahunga yahi ri.ayat hai
main baar baar tira dil nahin dukha.unga
mujhe pata nahin kya ho gaya hai kuchh din se
pata chala bhi to tujh ko nahin bata.unga
main chahta huun miri baat ka asar kam ho
ziyada der magar jhuuT kah na pa.unga
hansi ki baat hai apni hi aur vo ye ki
mira ḳhayal tha main tujh ko bhuul ja.unga
Leave a Reply