ghariq-e-zikr-e-ḳhuda din ko ḳhanqah men tha
jo shaiḳh raat ko Duuba hua gunah men tha
tamam sang-dili ya ki phir ghurur-o-hasham
kuchh aur is ke siva bhi jahan-panah men tha
huruf-e-makr tire lab pe the magar zalim
mujhe fareb bhi khana vafa ki raah men tha
tumhare qaul-o-qasam par fareb kya khata
tumhara tarz-e-ada bhi miri nigah men tha
Tapak ke dida-e-nam se sada.en deta hai
jo ek harf-e-tamanna dil-e-tabah men tha
mujhe to raas ai ‘ḳhalid’ yahi zamin aa.i
ye aur baat mira zikr mahr-o-mah men tha
Leave a Reply