Afzal Ahmad Syed
sitam ki tegh pe ye dast-e-be-niyam rakha
gul-e-shikast sar-e-shakh-e-intiqam rakha
main dil ko us ki taghaful-sara se le aaya
aur apne khana-e-vahshat men zer-e-dam rakha
nigar-khana-e-taslim kya bayaban tha
jahan pe sail-e-kharabi ko main ne thaam rakha
mizha pe khushk kiye ashk-e-na-murad us ne
phir aaine men mira aks-e-lala-fam rakha
isi fasana-e-vahshat men akhir-e-shab ko
main tegh-e-tez rakkhi us ne niim jaam rakha
Leave a Reply