Jafar Sahni
lamhon ke ishare men jafa dekh ke chup hai
kis vaste har gham ko ḳhuda dekh ke chup hai
badal ki riyasat men sisakta sa ujala
shab-tab ki ma.asum ziya dekh ke chup hai
dahshat ke havale se pareshan kabhi tha
har shaḳh men ab phuul khila dekh ke chup hai
sarsabz libade men saja.e tha jo sapna
chehre ka abhi rang uḌa dekh ke chup hai
dil-shad manazir ke ahate men zamana
mayus tasavvur ko khaḌa dekh ke chup hai
dastak kabhi tufan ki pur-josh thi ‘ja.afar’
bikhri hui ḳhushbu ki rida dekh ke chup hai
Leave a Reply