arastgi badi jila hai
patthar ki baghal men aaina hai
mujh ko yahi aap se gila hai
puchha na kabhi ki haal kya hai
allah re husn ki lagavat
daud raqib aur ya hai
khote hain tilai rang vaale
us sone ko barha kasa hai
balon ke ghata tale hain jhale
menh motiyon ka baras raha hai
taqdir men aag lagi gai hai
aalam se jigar jala-bhuna hai
piiri men hai harf zindagi par
jo qad khamida hai vo la hai
piite hain sharab ma-badaulat
saaqi bat-e-mai nahin huma hai
main daud raha huun us ke pichhe
jo saae se apne bhagta hai
bimar huun khub-suraton ka
husn-e-yusuf miri dava hai
barik kamar hai kya hi us ki
talvar men baal aa gaya hai
bhavon par jo dupatte ka hai lachka
pattha talvar par chara hai
kamre ka khula hai dar sar-e-rah
maashuq baghal men hai ye kya hai
kyuun hote ho ‘bahr’ tasht-az-bam
chilman chhodva do samna hai
Leave a Reply