Hairat Se Tak Raha Hai Jahan-E-Wafa Mujhe

hairat se tak rahā hai jahān-e-vafā mujhe

tum ne banā diyā hai mohabbat meñ kyā mujhe

har manzil-e-hayāt se gum kar gayā mujhe

muḌ muḌ ke raah meñ vo tirā dekhnā mujhe

kaif-e-ḳhudī ne mauj ko kashtī banā diyā

hosh-e-ḳhudā hai ab na ġham-e-nāḳhudā mujhe

saaqī bane hue haiñ vo sāġhar shab-e-visāl

is vaqt koī mirī qism dekh jā mujhe

Leave a Comment