divar phandne men dekhoge kaam mera
jab dham se aa kahunga sahab salam mera
ham-sae aap ke main leta huun ik haveli
is shahr men hua jo chande qayam mera
jo kuchh ki arz ki hai so kar dikhaunga main
vaahi na baat samjho yunhi kalam mera
achchha mujhe satao jitna ki chaho main bhi
samjhunga gar hai insha-allah naam mera
main ghash hua kaha juun saaqi ne mujh se hans kar
ye sabz jaam tera aur surkh jaam mera
puchha kisi ne mujh ko un se ki kaun hai ye
to bole hans ke ye bhi hai ik ghulam mera
mahshar ki tishnagi se kya khauf sayyad ‘insha’
kausar ka jaam dega mujh ko imaam mera
Leave a Reply