Vishal Khullar
divar-o-dar sa chahiye divar-o-dar mujhe
divangi men yaad nahin apna ghar mujhe
tu tha to tha vajud men ik aa.ina mire
ab ghaflaton se milti hai apni ḳhabar mujhe
palkon pe niind niind men rakhta hai ḳhvab phir
deta hai dastaken bhi vahi rat-bhar mujhe
ji chal paḌa ḳhizaon ki janib udaas shab
ye lag ga.i bahar men kis ki nazar mujhe
abad ho ga.e the tire raste jahan
milta hai us gali men hi apna nagar mujhe
Leave a Reply