uthe aaj un se faisla kar ke
ya khafa ho ke ya khafa kar ke
us ki raftar se ghanimat hai
ki rahe hashr hi bapa kar ke
us sanam ki gali men jaata huun
phir nazar janib-e-khuda kar ke
ghair tak apni baat pahunchai
us se izhar-e-muddaa kar ke
kar to len tark-e-ishq ham naseh
par guzarenge umr kya kar ke
mujh pe jo chahiye sitam kiije
par na aghyar ka kaha kar ke
muft zillat uthai ‘salik’ ne
zikr is bazm men mira kar ke
Leave a Reply