divar ki surat tha kabhi dar ki tarah tha
vo dhund men lipTe hue manzar ki tarah tha
dekha to shagufta sa laga phuul ki surat
utra to miri ruuh men ḳhanjar ki tarah tha
main aaj tahi-dast huun ik ḳhaas sabab se
varna main zamane men sikandar ki tarah tha
kuchh vaqt ne tartib bigaḌi mire ghar ki
kuchh ghar bhi mira mere muqaddar ki tarah tha
vo jagte lamhon men bhi patthar ki tarah thi
main niind ke aalam men bhi aazar ki tarah tha
Leave a Reply