divane divane Thahre khel ga.e angaron se
abla-pa.i ab koi puchhe in zehni bimaron se
baat to jab hai shole niklen barbat-e-dil ke taron se
shor nahin naghme paida hon teghon ki jhankaron se
kis ne basaya tha aur un ko kis ne yuun barbad kiya
apne lahu ki bu aati hai in ujḌe bazaron se
kaise gale milte hain gale se ab ke baharan bhuul ga.e
yaron ne bharpur galon ka kaam kiya talvaron se
keh do mughanni se ab Thahre ḳhvab-avar naghme roke roke
koi hamen lalkar raha hai parbat se minaron se
shaah ka ruḳh hai utra utra shah kya deta hai shatir
haari baazi jiit ga.e ham paidal se rah-varon se
vaqt ke tufani dharon men kitne sahil Duub ga.e
nit na.e sahil phir ubhre hain in tufani dharon se
pal men tola pal men masha pal men sab darham barham
zarra-e-ḳhaki nazren mila.e baiThe hain sayyaron se
patthar ka dil paani paani zindan ki tariḳhon par
aaj talak rah rah kar chiḳhen uThti hain divaron se
Leave a Reply