Arif Ishtiaque
mujh ko furqat se guzara ja.ega
aaj to shab-ḳhun maara ja.ega
ra.egan main aur tu bhi ra.egan
duur tak us ka ḳhasara ja.ega
yaad ki galiyon men siina piiT kar
rat-din tum ko pukara ja.ega
sarhad-e-dil par hai ḳhuni ma.arka
aaj apna aap maara ja.ega
aap ko nafrat pasand aa.i miri
aap par se ḳhuun vaara ja.ega
main ne farmaya tha ki dil se na ja
ab gaya thoḌa to saara ja.ega
Leave a Reply