Aks Samastipuri
din-rat us ke hijr ka dimak lage lage
dil ke tamam ḳhane mujhe khokhle lage
mahfil men naam us ka pukara gaya tha aur
sab log the ki meri taraf dekhne lage
afsos fikr-e-jan hi nahin rahti hai hamen
afsos aap jaan hamen manne lage
jo kahte the koi tujhe Thukra na pa.ega
jab baat ḳhud pe aa.i to vo sochne lage
main aaj tak na Thiik se ḳhud ko samajh saka
ik hi dafa men aap mujhe janne lage
Leave a Reply