Poet
din ki janib kabhi us raat se rasta nikle
baagh ki samt bhi fōtpath se rasta nikle
shayad ik aur mulaqat ki ummid bandhe
ik sar-e-rah mulaqat se rasta nikle
main bhi ab dhundhti rahti huun bahane kya kya
us se kuchh baat karun baat se rasta nikle
ain mumkin hai ye duniya ka ho markaz miri zaat
mujh tak aae jo samavat se rasta nikle
shahr ke raste kahin shahr men kho jaate hain
shahr ko ab koi dehat se rasta nikle
khul ke ro luun to ye divar hate duuri ki
abr barse to ye barsat se rasta nikle
mujh ko us maat ka afsos nahin hai ‘janan’
jiit ki samt jo us maat se rasta nikle
Leave a Reply