dilon pe zakhm laga ke hazar guzri bahar
gai hai chhod ke ik yadgar guzri bahar
mire qarib jo koi gul-e-badan mahka
to aai yaad koi khush-gavar guzri bahar
kisi tarah mujhe pagal na kar saki varna
tire baghair bhi aai bahar guzri bahar
har ek sarv-e-ravan par guman ki jaise vahi
ho mera maazi miri yadgar guzri bahar
mire nasib ka nauha khizan ye ahd-e-khizan
tire karam ka fasana bahar guzri bahar
Leave a Reply