dilon ka haal vo be-e’tibar kya jaane
jise na pyaar mila ho vo pyaar kya jaane
ada se aa.i chaman men ada se lauT ga.i
gulon pe biit ga.i kya bahar kya jaane
na koi ḳhvab hai ankhon men aur na be-ḳhvabi
kahan ruki hai shab-e-intizar kiya jaane
use bhula.e hue muddaten huiin lekin
ye kaun chhuta hai dil baar baar kiya jaane
phir ek baar chalo us gali men ho aa.en
vo mil hi jaa.e sar-e-rahguzar kya jaane
Leave a Reply