Unki Aamad Hai Gul-Fishani Hai

un kī aamad hai gul-fishānī hai

rañg-e-ḳhushbū kī mezbānī hai

kaisī hogī na jaane shām-e-umr

sub.h jab aisī sar-girānī hai

maut kā kuchh pata nahīñ lekin

zindagī sirf nauha-ḳhvānī hai

marne vaalā hai markazī kirdār

āḳhirī moḌ par kahānī hai

ḳhud-kushī jaisī koī baat nahīñ

ik zarā mujh ko bad-gumānī hai

ye jo bārūd hai havāoñ meñ

aag thoḌī sī bas lagānī hai

us kā likkhā hī jī rahā huuñ maiñ

us kī bābat hī ye kahānī hai

Leave a Comment