jab dekhte rahte hain vo kirdar hamare
hon kyuun na pasheman dar-o-divar hamare
dete hain har ik raah men rahgir ko saaya
jalte hain kaḌi dhuup men ashjar hamare
taqsim ke sadqe men hamen kuchh to milega
chal phuul tumhare hain to sab ḳhaar hamare
aa jaao ki mil-jul ke koi shakl bana len
hain tishna-e-takmil vo shah-kar hamare
sadiyon ke qarine liye tahzib hamari
yuun ‘roz’ badalte nahin me.aar hamare
Leave a Reply