rat-bhar sard hava chalti rahi
rat-bhar ham ne alaao taapa
main ne maazi se kai khushk si shakhen katin
tum ne bhi guzre hue lamhon ke patte tode
main ne jebon se nikalin sabhi sukhi nazmen
tum ne bhi hathon se murjhae hue khat khole
apni in ankhon se main ne kai manje tode
aur hathon se kai baasi lakiren phenkin
tum ne palkon pe nami suukh gai thi so gira di
raat bhar jo bhi mila ugte badan par ham ko
kaat ke daal diya jalte alaao men use
rat-bhar phu.kon se har lau ko jagae rakkha
aur do jismon ke indhan ko jalae rakkha
rat-bhar bujhte hue rishte ko taapa ham ne
Leave a Reply