adeeb-suhail

Dil Unhen Roe Jo Sail-e-Tirgi Mein Gum Hue

dil unhen roe jo sail-e-tirgi men gum hue

ya unhen jo aap apni raushni men jal-bujhe

husn ho jaata hai jis lamhe zarurat ka asiir

ek ho jaate hain us dam khair-o-shar ke daere

sab hava ke rukh par udte barg ke hain ham-nava

kaun le us ki khabar rahta hai jo patthar tale

raushni darkar hai to khud hi rauzan va karo

muntazir kab tak rahoge tum hava-e-tez ke

koi to hota jo khun-e-fan ki qimat janta

dost nashir se to ab tak uzr-name hi mile

More Poems

Leave a Comment